Taddart
Amezruy
Tasirra, i d-yezgan deg yidurar n Lbiban, tama n wasif Asemmam, d yiwet seg tudrin tiqdimin akk deg temnaḍt-nni. Uqbel ad yas Sidi Yeḥya Aɛidel u uqbel ad tili Tamiqra, Tasirra tella tettwazdeɣ ya kan. Ɣef leḥsab n wayen i ḥekkun imɣaren, imezdaɣen-is imezwura llan seg yiwen n laṣel akk d It Yeɛla.
Ɣef wakken i d-yenna Ssi Muḥend Akli Ayt Suki, Tasirra i d taddart tis snat n teqbilt n At Nuḥ – i yellan ass-a d uḥṛic seg At Ɛidel – i bnan Iḥemmadiyen di lqern wis 11, deffir taddart n Butwab. Di tazwara, taddart-ayi yella yezzi-as ṣṣur, u tesɛa kraḍ (3) n tewwura, d ayen i d-yesskanayen azal-is ed tuddsa ines. D tawṛit n umezruy-ayi n walef n yiseggasen, Tasirra teqqim d inigi yeddren n ccfawa d tmagit taqbaylit.
“…Butwab d taddart tamezwarut, syin ad d-tas Tassira, deg lɛerc n At Nuḥ, mačči d At Ɛidel… tella yezzi-as-d s ṣṣur yesɛan kraḍ n tewwura…..”
Muḥend Akli Ayt Suki